"La natura uffisa" poesia di T.Treppiedi

La natura uffisa

 

 

 

 

 

 

Totò Treppiedi

 

 

 

 

 

Ni li urtimi tiempi / troppu suffriemmu pi la calura
comu arberghi a 4 stiddri / accattammu cundiziunatura
aumenta la bulletta / accanzammu cchiù dulura
giusta è la punizioni / pi aviri uffisu la natura.
Ittammu nill’aria / tanti e tanti di ddri vileni
ca lu bucu di lu zonu / cangià nzina li stasciuni
li gas ammorbanu l’aria / abbrusciammu foresti e vueschi
siemmu tutti purriti d’intra / jammu cadiennu comu li muschi.
In passatu la terra era bbona / si mantinia ca era n’amuri
tuttu crisciva senza aiutu di nuddru / china era di frutti e sciuri
maturavanu ni lu giustu mumentu / no comu ora ca ci su tuttu l’annu
ni li mangiavamu quann’era lu tiempu / li tasti ora ti fannu già dannu.
Cu li fitufarmaci su bieddri a vidìri / e doppu tanticchia ti fannu murìri.
Nzina li ghiacci ca eranu eterni / si vannu sciugliennu comu caramelli
anchi ccà lu disertu avanza / accattari putiemmu già li cammelli
tantu ficimu tantu dissimu / ca ni stammu ruvinannu cu li nosci mani
accussì faciennu chi ci jammu a cuntari / a la prossima ginirazioni?
Lugliu 2007