Li Pruvinciali di lu 2008. Poesia di T.Treppiedi

           Li Pruvinciali di lu 2008

Ora ca li elezioni Pruvinciali / a la fini sunnu arrivati
Prisidenti risurtà elettu / chiddru c’avi l’uecchi sgriddrati,
di li quinnici candidati / ca Caniattì avìa sprimutu
dudici arristaru vastuniati / e quarcunu anchi curnutu.

Piezzi gruessi di novanta / luenghi anchi un metru e vinti
arristaru a lu sipalu / senza puestu e mancu dienti,
cu a sinistra la fiammella / vulìa lassari addrumata
sulu doppu lu risurtatu / s’addunà di la nculata.

Ci fù cu vinnìa li voti / pi favuriri lu linticchieddru
a lu paisanu lu strunzu nchiusu / arristà ni lu vudieddru,
unu però appi successu / aiutatu di la banda granata
ca cu la testa di milingiana / po’ fari un chilu di capunata.

L’antru elettu di forza talia /ca lu lardu abbìa a li cani
contrappisu fa a lu dimucraticu / ca un sigritariu avi pi cani
Alla fini di la partita / tra Favara e Caniattì
comu fù Italia – Germania / vincieru iddri quattru a tri.

Giugnu 2008

Totò Treppiedi