Poesia dialettale di P.Caruso

DÈDALU…
C’era ‘na vota Dèdalu, artista a Creta,
a Minossi costruì un Labirintu; pi l’affari sò.
Ci trasì Tesèu cà sapìa la meta
e, cu l’aiutu d’ Arianna, taglià la testa a lu vò.
 
Ma si ci persi ni ddru labirintu,
nèsciri ‘un potti, pirchì ‘un sapìa la strata;
ci misi un filu Arianna, attaccatu a lu cintu
e finarmenti  truvà… la sciuta suspirata.
 
Pi la via si dìcinu cosi belli,
‘n-politica e ‘n-campagna elettorali.
Frinàssiru quarchi vota li favelli
e l’aria pura ni facìssiru respirari!
 
Ci fùssiru, ancora, CHIDDRU  Dèdalu, Tesèu e Arianna:
cu ‘ngegnu, abilità e cù spirtizza,
a Caniattì s’arrisurbissi la facenna,
d’evitari di stari ’n-miezz’a la MUNNIZZA?
 peppecaruso  Canicattì 20 Giugno 2011