La poesia di T.Treppiedi.Habemus papam

  

Habemus Papam
Anchi chist’annu a giugnu / si ficiru li bifari
Sinnacu e Cunsigliu eletti / ma cu li piedi papari
picchì poi sta cuntisa / è sempri tra du armali
lu nomi di stu paisi / chiangiemmu li natali.
Curpa ncoddru / di stu piccatu originali
custritti a scegliri / lu peggiu o lu menu mali
cunnanna senza appellu / tristi distinu, ria sorti
allazzammuni li canzi / stringiemmuli cchiù forti.
Pi la secunna vota / vularu ncelu li Cuerbi
cu tanti di ddri voti / ca vittiru nzina l’uerbi
ma forti fu l’ammuttuni / di tanti antri mani
pi futtiri di pinnina / ddru poviru Tanu Cani.
Lu fistinu a brazzettu / c’eranu sicchi e panzuti
nsemmula a tutti l’antri / ca eranu già vivuti
criaru un sudaliziu / c’assumiglia a na paranza
cu sà quarchi muddrica / ci arresta ni la panza.
Caniattì li 15 giugnu 2011
Totò Treppiedi

 

 

Habemus Papam